نحن امه اجتمعت علي حب النبي صلي الله عليه وسلم


    الاقصي لازم يرجع ولو علي جثتي

    شاطر

    ????
    زائر

    default الاقصي لازم يرجع ولو علي جثتي

    مُساهمة من طرف ???? في السبت نوفمبر 14, 2009 4:02 pm



    السلام عليكم يا جماعة
    طبعا أنتم تعلمون جيدا ماذا يحدث في القدس
    وأظن هذا الأمر هو ما سيسلنا الله عنه يوم القيامة
    سيسألنا عن معرتنا مع اليهود وليس عن معرتنا التافهة مع الجزائر

    القدس تضيع من بين أيدينا في آخر مراحل تهويدها، والمسجد الأقصى على وشك الانهيار

    اليهود صاروا يحاولون اقتحام المسجد كل أسبوع تقريبًا، والمقدسيون وحدهم من يدافع عن مسجدنا المقدس بصدورهم العارية

    فأين أنتم من هذا الدور؟

    = يرد واحد يقول لي: طب احنا حنعمل لهم إيه يعني؟

    =يا أخي اتكلم، عرف الناس، حسسهم بأهمية المسجد، علق ورقة في العمارة، ادعُ الناس للمقاطعة زي أيام الانتفاضة، ثير الموضوع مع زمايلك في الكلية ولا الشغل ولا في أي مصيبة، لازم ما نسكتش على الأقل

    =يا سلاااااام، وهو ده بقى اللي هيحرر المسجد الأقصى؟ لو الموضوع بالكلام كنت عملت لك مكلمة لسنتين قدام، بس كل الكلام لا هيقدم ولا هيأخر

    =طب معلش بقى، ليه كل ما أقابلك بقالي بتاع سنة مش بسمع منك غير تحليلاتك عن كاس العالم، ومصرهتصعد لو حصل كذا، ولو زامبيا كسبت الجزاير هيحصل كذا

    =صح، وربنا يستر الماتش الجاي مع الجزاير، لأن لازم نكسبهم فرق تلاتة
    أنا قلقان جدا الصراحة، لأن الماتش ده حياة أو موت
    وبعدين الموضوع بقى أكبر من مجرد ماتش، دي مسألة كرامة
    أنت ما سمعتش الصحافة الجزايرية بتشتمنا بتقول إيه

    بس والله والله ما هنسيبهم المرة دي
    هنستخدم نفس الأسلوب بتاعهم ولاد ............ هنرهبهم وهنضربهم واللي يحصل يحصل

    دول فاكرين نفسهم ايه دول؟
    ده احنا اللي ساعدناهم عشان يتحرروا من فرنسا، ولولانا كانوا زمانهم محتلين لسه
    بس معلش العرب كلهم كده بينكروا جمايلنا وتضحياتنا عشانهم ولاد ........ بس معلش

    وبعدين كل التضحيات دي وتلاقيهم ما بيتكلموش عربي، لسه برضه متعلقين بفرنسا، ولاد ......... هنعرفهم بقى الفراعنة يعني ايه
    ولا أنت ايه رأيك؟

    =سبحان الله يا أخي طب إيه لازمة كل الكلام ده يعني، يعني كلامك ده هيغير حاجة من نتيجة المباراة؟

    =يعني عايزني أسكت على مهازل الجزايريين؟ لا طبعا احنا لازم نشكل ضغط على الفريق بتاعنا عشان يشد حيله قدامهم، احنا ولاد الفراعنة ولازم نوريهم

    =يعني الكلام بيجيب فايدة؟؟؟؟؟؟؟

    =طبعا يشكل ضغط رهيب، وبيضغط على المدير الفني واللعيبة وكده يعني

    =وطب ليه لما أقول لك القدس تقول لي الكلام ما منوش فايدة

    لا ده بقى موضوع مختلف=

    =أقول لك حاجة بصراحة أنت إنسان تافه وفاضي ومالكش لازمة
    أنت بصريح العبارة جباااااااااااااااان

    =لأ بقى احترم نفسك

    =بقولك القدس والأقصى يا أخي، يعني لو مسجد الرسول ولا مكة احتلوه الأمريكان هتحط جزمة في بقك وتسكت وتقول أصل وفصل ومش هيغير

    =لأ طبعا لو مكة الأمر يختلف

    =والله العظيم ما هيختلف

    =لأ .......... إلا مكة، ده للبيت رب يحيمه، ربنا مش هيسيبهوم

    =آه قلت لي بقى مش هيسيبهم يعني هتقعد في بيتكم برضه، زي ما قال اليهود لسيدنا موسى "اذهب أنت وربك فقاتلا إنا هاهنا قاعدون" سبحان الله على تبرير التقاعس عن نصرة الدين بالدين

    = بص قصر الكلام، ربنا هيسألك يوم القيامة عن دورك في نصرة الأقصى وقضايا المسلين، مش هتقول له ساعتها الحقيقة الماتش كان أهم

    ولو مش عارف اللي حصل اتفرج عليه في الجزيرة ولا أي داهية عشان تعرف اللي حصل


    أنا عن نفسي طبعت ورقة صغيرة
    A4
    ومشيت بها في الشارع، وكمان وقفت بها بعد الصلاة على باب الحامع والناس خارجة عشان يقروا اللي فيها
    عشان نلفت نظرهم أن فيه حاجة بتحصل في بيت المقدس يا عجر

    معلش على الانفعال، بس ما فيش مكان للاحترام على الإطلاق دلوقتي

    شفت الشباب بيحصل فيهم ايه في الأقصى؟

    أنت بقى خايف من ايه يا ننوس عين ماما

    وما معنى للحياة بعد ما المسجد يروح

    يا جماعة لو كل واحد فكر يعمل ولو حاجة عبيطة بسيطة

    اكتب كلمتين على الوورد واطبعها ووزعها في الأوتوبيس وانزل تاني

    اديها لابنك يوزعها على زملائه في الفصل

    خلي ابنك يشترى صورة للأقصى ويعلقها في حجرته

    ادخل عليهم في البيت متلهفا وتقول: فيه جديد حصل في الأقصى النهاردة؟
    فيحسوا أن الموضوع كبير فيبدأوا الاهتمام

    اتكلم مع صحابك في الشغل

    علق ورقة على باب الشقة

    علق لوحة بانر في البلكونة

    علق علم فلسطين

    اشتري كوفية فلسطينية والبسها

    كلم الناس

    يا عااااااااااااااااااااااالم الأقصى أهم من كأس العالم


    والدكتور يوسف القرضاوي، رئيس الاتحاد العالمي لعلماء المسلين قال لنا

    بصفتي رئيس مجلس أمناء مؤسسة القدس الدولية ورئيس الاتحاد العالمي لعلماء المسلمين أتوجه لأبناء الأمة العربية والإسلامية أن يحتجوا أمام مقرات اليونسكو في أنحاء العالم باعتبار أن المسجد الأقصى إرثا من الإرث العالمي التي يجب عليهم ألا يدعوا الصهاينة يعبثون بمقدساته

    عايز ايه بقى بعد كل ده

    معلومة أخيرة كنت عايز أنبه لها

    وهو أن كثيرا من الناس تظن أن المسجد ذا القبة الرصاصي هو المسجد الأقصى، والباقي كله مش تابع للمسجد

    والمعلومة الصحيحة هي أن كل ما داخل السور هو المسجد الأقصى، والذي يحتوي على مبنيين

    مبنى قبة الصخرة وهو مصلى النساء

    ومبنى المسجد القبلي والذي فيه المنبر والإمام

    وكلاهما جزء من المسجد الأقصى

    مساحة المسجد الأقصى 144 ألف متر مربع

    ياللا عاوزين بقى أفكاركم وإبداعاتكم ويا ريت اللي يعمل أي حاجة يبعتها يمكن تنفع غيره


    ليس للأقصى إلا المسلمون اللي أنت المفروض منهم
    --
    avatar
    سماح
    مشرفة عامة
    مشرفة عامة

    تاريخ التسجيل : 10/05/2009

    default رد: الاقصي لازم يرجع ولو علي جثتي

    مُساهمة من طرف سماح في السبت نوفمبر 14, 2009 10:47 pm

    لو المسلمين كلهم وقفوا مع بعض واتفقوا ان شاء الله الاقصي هيتحرر
    لان الناس خلاص اخدت انها تتفرج علي اللي بيحصل في فلسطين في التلفزيون وده اخرهم
    ياريت نفكر مع بعض
    avatar
    راندا علاء
    عضو ماسي
    عضو ماسي

    تاريخ التسجيل : 16/06/2009

    default رد: الاقصي لازم يرجع ولو علي جثتي

    مُساهمة من طرف راندا علاء في الثلاثاء ديسمبر 22, 2009 7:07 pm

    انا مش عايزة اتكلم عن نفسي
    بس ده يعني مثل
    قسمت مصرفي في اليوم علي 3
    وفي نص الشهر طبعت ورقة
    عليها الفرق بين الجامعين
    وكمان ورق عليه
    توعية بانهم عايزين يهدوه ليه وكدة
    وصورته بالفلوس دي ووزعته علي اصحابي
    وعلي الناس فس الشارع
    وعلي المدرسين واللي معايا في البص
    وقلتلهم بصراحة
    لما يقروا الورق الكتير يرجعوهولي
    عشان معيش فلوس اجيب تاني
    او يدوه لحد ممكن يقراه
    وثمرتي بقي
    انهم كتير قوي قالولي
    هصور واجيبهملك توزعي تاني
    avatar
    العدوى
    عضو ماسي
    عضو ماسي

    تاريخ التسجيل : 05/07/2010
    الموقع : كشرى ابو طارق

    default رد: الاقصي لازم يرجع ولو علي جثتي

    مُساهمة من طرف العدوى في السبت أغسطس 07, 2010 3:05 pm


      الوقت/التاريخ الآن هو الأربعاء يوليو 18, 2018 9:55 pm